لاہور(سپورٹس رپورٹر)زمبابوے سلیکٹ نے پاکستان شاہینز کو چھٹے اور آخری ایک روزہ میچ میں 32 رنز سے ہرا کر 6 میچز کی سیریز 2-4 سے جیت لی۔سیریز کے آخری ایک روزہ میچ میں زمبابوے سلیکٹ نے 7 وکٹوں پر 385 رنز بنائے۔ کریگ ارون 195 رنز بناکر نمایاں رہے۔ انوسنٹ کایا نے 92 رنز بنائے۔محمد علی اور عامر جمال نے دو دو کھلاڑیوں کو آئوٹ کیا۔پاکستان شاہینز ٹیم آخری اوور میں353 رنز بناکر آئوٹ ہوگئی۔مبصر علی 115 رنز بناکر نمایاں رہے۔ روحیل نذیر نے 87 اور کامران غلام نے 56 رنز بنائے۔