لاہور(سپورٹس رپورٹر) پاکستان اور آسٹریلیا کی والی بال ٹیموں کے مابین 3 میچوں کی سیریز کا پہلا ٹاکرا آج کھیلا جائیگا۔ پاکستان سپورٹس کمپلیکس اسلام آباد کے لیاقت جمنازیم میں کھیلے جانیوالے پہلے والی بال میچ کیلئے پاکستان والی بال فیڈریشن نے تمام تیاریاں مکمل کرلی ہے۔ سیریز میں آسٹریلین ٹیم کی قیادت نحیمیا موٹے جبکہ پاکستان ٹیم کی قیادت مراد جہاں کررہے ہیں۔ دونوں ٹیموں نے سیریز کی تیاریوں کیلئے بھرپور ٹریننگ سیشن میں حصہ لیا۔ دوسری جانب آسٹریلین والی بال ٹیم کے کپتان نحیمیا موٹے کا کہنا تھا کہ انہیں پاکستان آکر بہت خوشی ہوی اور مہمان ٹیم کا شاندار استقبال کیا گیا۔ میں نے پاکستان کی مہمان نوازی اور خوبصورت مقامات بارے بہت سن رکھا ہے امید ہے سیریز میں شاقین کو بہترین والی بال دیکھنے کو ملے گا۔