پاکستان، انگلینڈ میں تیسرا ٹی 20 میچ آج ،بارش کا بھی امکان

لاہور(سپورٹس رپورٹر)انگلینڈ اور پاکستان کی کرکٹ ٹیموں کے درمیان 4 ٹی 20انٹرنیشنل میچوں پر مشتمل سیریز کا تیسرا میچ آج صوفیہ گارڈنز کارڈف میں کھیلا جائے گا۔ میزبان برطانوی کرکٹ ٹیم کو پاکستان کیخلاف سیریز میں 0-1کی برتری حاصل ہے۔ دونوں ٹیموں کے درمیان 22مئی کو ہیڈنگلے ،لیڈز میں شیڈول سیریز کا پہلا میچ بارش کی نذرہوگیا تھا۔ شدید بارش کے باعث ٹاس بھی ممکن نہ ہو سکا۔ انگلینڈ کی ٹیم نے دوسرے ٹی ٹونٹی میچ میں پاکستان کی ٹیم کو 23رنز سے شکست دی تھی۔انگلینڈ اور پاکستان کی ٹیموں کے درمیان 4 میچوں کی سیریز کا چوتھا اور آخری ٹی 20 میچ پرسوں لندن میں کھیلا جائے گا۔پاکستان اور انگلینڈ کے درمیان تیسرا ٹی 20 میچ بھی بارش سے متاثر ہونے کا خدشہ ہے۔ یوکے میٹ آفس نے  کارڈف میں بارش کی پیشگوئی کردی ہے جس کے مطابق میچ کے دوران 50 سے70فیصد تک بارش کا امکان ہے۔ پاکستان اور انگلینڈ کے درمیان سیریز کا پہلا ٹی 20 بارش سے متاثر ہوچکا ہے