فیروزوالہ میںاراضی تنازعہ پردو سگے بھائی قتل‘بہن زخمی 

 لاہور‘فیروزوالہ( نامہ نگاران) شاہدرہ سگیاں میں سابقہ مقدمہ بازی اور اراضی کے تنازعہ پر شاہد محمود نے اپنے ساتھیوں آصف اور ہمایوں وغیرہ کی مدد سے اندھا دھند فائرنگ کر کے دو سگے بھائیوں دلاور اور علی رضا کوقتل جبکہ ان کی بہن نگیتہ بی بی کو شدید زخمی کر دیا ملزم فرار ہو گئے ملزم شاہد محمود اور دلاور کے درمیان اراضی اور سابقہ مقدمہ بازی کے سلسلہ میں عداوت  چل رہی تھی وقوعہ کے وقت دلاور اپنے بھائی علی رضااور بہن کے ہمراہ کھیت میں کام کر رہے تھے کہ اس دوران ملزم شاہد محمود‘ہمایوں‘آصف اورحیدر وغیرہ اسلحہ سے مسلح ہو کر آگئے جنہوں نے اندھا دھند فائرنگ کر دی جس کے نتیجہ میں دلاور موقع پر ہلاک جبکہ اس کا بھائی علی رضا بہن زخمی ہو گئے جن کو طبی امداد کے لیے ہسپتال لایا گیا جہاں پر زخموں کی تاب نہ لاتے ہوئے علی رضا بھی دم توڑ گیا زخمی ہونے والی خاتون کی حالت نازک بتائی جاتی ہے۔