لاہور (نوائے وقت رپورٹ) روزنامہ نوائے وقت کے سینئر سب ایڈیٹر حافظ امجد علی ،محمد ثقلین، محمد ارشد، محمد افضل کی والدہ جو گزشتہ روز انتقال کر گئی تھیں، ان کو نماز جنازہ کے بعد سوکن ونڈ (تحصیل پسرور) کے مقامی قبرستان میں سپرد خاک کیا گیا ،ختم قل اور قرآن خوانی جامع مسجد محمدی میں ہوئی ،جس میں عزیز و اقارب اور گاؤں کے لوگوں نے کثیر تعداد میں شرکت کی۔ نوائے وقت نیوز روم لاہور نے مرحومہ کے ایصال ثواب کے لئے فاتحہ خوانی کی اور ان کے لواحقین کیلئے صبر جمیل کی دعا کی۔