پشاورخوفناک ٹریفک حادثہ،4افراد جاں بحق ،2زخمی

 پشاور میں رنگ روڈ پر خطرناک ٹریفک حادثے میں4 افراد جاں بحق اور 2زخمی ہو گئے۔پولیس کے مطابق پشاور رنگ روڈ پر ٹریفک حادثہ پشتخرہ چوک کے قریب گاڑیاں ٹکرانے کے باعث ہوا۔ ریسکیو 1122 کے مطابق محکمے کی 4 ایمبولینسز کو اطلاع ملنے پر فورا ًموقع پر روانہ کیا گیا، جہاں امدادی ٹیموں نے لاشوں اور زخمیوں کو نکالا،خطرناک حادثہ مہران کار اور ویگوگاڑی کے مابین ہوا، جس میں ابتدائی اطلاعات کے مطابق 4 افراد جاں بحق اور 2 زخمی ہو گئے۔ امدادی ٹیموں نے لاشوں اور زخمیوں کوہسپتا ل منتقل کیا۔حادثے کی وجوہات جاننے کے لئے تحقیقات شروع کردی گئیں۔