کراچی میں نمائش چورنگی پرمیڈیا سے گفتگو کرتے ہوئے منظوروسان نے کہا کہ کراچی نہ صرف پاکستان کیلئے بلکہ بین الاقوامی طور پر بھی اہمیت کا حامل شہر ہے اور شرپسند اس کا امن تباہ کرنے کی سازش کررہے ہیں۔ انہوں نے کہا کہ ماضی میں بھی ان شرپسندوں کے ناپاک ارادوں کو ناکام بنایا ہے اور آئندہ بھی انہیں کامیاب نہیں ہونے دیں گے۔ وزیرداخلہ سندھ نے کہا کہ گزشتہ شب نمائش چورنگی میں ہنگامہ آرائی کرنے والے اکیاون افراد کو گرفتار کرلیا گیاہے اور ان کے خلاف دہشت گردی کے مقدمات درج کئے جائیں گے۔