شیر بنگال نیشنل سٹیڈیم میں کھیلا جانے والا یہ ڈے اینڈ نائٹ میچ پاکستانی وقت کے مطابق کل شام چاربجے شروع ہوگا۔ پاکستان کرکٹ ٹیم کے کپتان مصباح الحق کا کہنا ہے کہ سری لنکا کے خلاف سیریز میں فتح سے ٹیم کا مورال بلند ہے۔ اس شاندارکارکردگی کو میزبان بنگلہ دیش کے خلاف سیریز میں بھی جاری رکھیں گے۔پاکستان اور بنگلہ دیش کے درمیان سیریزمیں ایک ٹی ٹوئنٹی ، تین ون ڈے اوردوٹیسٹ میچ شامل ہیں۔