گوجرخان میں عید میلاد النبیؐ کی تیاریاں،جامع مسجد کو سجادیا گیا

گوجرخان (نامہ نگار)گوجرخان عید میلاد النبیؐ کی تیاریاں شروع ،مرکزی جامع مسجد کو لائٹنگ کے ساتھ سجادیا گیا، جامع مسجد راجگان میں بعد از نماز عشاء محفل نعت اور جشن آمد رسولؐ کے حوالہ سے جلوس کا سلسلہ روزانہ کی بنیاد پرشروع، بارہ ربیع الاول کو گوجرخان شہر اور ملحقہ دیہات گلی محلوں کو رنگ برنگی جھنڈیوں جھالروں اور لائٹنگ وغیرہ لگا کر خوبصورتی کے ساتھ سجانے کیلئے میلاد کمیٹیاں متحرک ہو گئیں تفصیلات کے مطابق گوجرخان شہر اور گرد ونواح میں عید میلاد النبیؐ عقید ت واحترام مذہبی جوش و جذبے کے ساتھ منانے کیلئے میلاد کمیٹیاں اپنے اپنے علاقوں کو سجانے کیلئے متحرک ہو گئیں،شہر اور دیہات کی میلاد کمیٹیوں بارہ ربیع الاول کے حوالہ سے جلوسوں، اپنے اپنے علاقوںکے انتظامات اور دیگر امور کے حوالہ سے لائحہ عمل طے کرچکی ہیں مرکزی میلاد کمیٹیوں کے جنرل سیکرٹری راجہ صبور کیانی نے بتایا کہ سیکورٹی کے انتظامات اور دیگر امور کے حوالہ سے اسسٹنٹ کمشنر ،ڈی ایس پی ، ایس ایچ او سے بھی میٹنگ کی جائے گی شہر بھرکو خوبصورتی سے سجانے کیلئے میلاد کمیٹیاں متحرک ہو چکی ہیں۔