لاہور(سپورٹس رپورٹر+نمائندہ سپورٹس) پاکستان کرکٹ ٹیم کے ہیڈ کوچ مکی آرتھر کا کہنا ہے کہ بطور ٹیسٹ کپتان سرفراز احمد شاندار انداز میں کارکردگی کا مظاہرہ کر رہے ہیں۔ یہ مان لینا چاہیے کہ سرفراز ایک وکٹ کیپر ہیں اور یہی اصل میں ان کا کام ہے، بیٹنگ میں جب ان کی ضرورت پڑی انہوں نے پرفارم کیا، آسڑیلیا کے خلاف ابوظہبی ٹیسٹ اس کی ایک بڑی مثال ہے۔ حیرانی اس وقت ہوتی ہے جب ان کی ٹیسٹ قیادت پر پاکستان میں سابق کرکڑز تحفظات کا اظہار کرتے ہیں۔ یاسر شاہ بہترین بولر ہے اور اس نے اپنی بولنگ سے پھر ہمیں فتح یاب کیا، جہاں تک محمد عباس کی وکٹ نہ لینے کی بات ہے اس میں کوئی گھبرانے کی سوچ نہیں ہونی چاہئیے کیونکہ وہ بولنگ تو اچھی کررہا ہے۔پہلا ٹیسٹ ہار کر سیریز میں واپس آنا بڑی بات ہے اور اب ہم تیسرا ٹیسٹ نئی توانائی کے ساتھ کھیلنے شیخ زاید سٹیڈیم میں اتریں گے۔