ویٹرنز کرکٹ ورلڈ کپ : پاکستان کی سری لنکا کو ہراکر چوتھی کامیابی

لاہور(سپورٹس رپورٹر+نمائندہ سپورٹس) ویٹرنز کرکٹ ورلڈ کپ میں پاکستان ویٹرنز نے سری لنکا کو 32 رنز سے ہراکر ٹورنامنٹ میں مسلسل چوتھی کامیابی سمیٹ لی۔ پاکستان ویٹرنز نے 178 رنز بنائے۔ عامر توصیف نے 34،ساجد علی 29 اور دستگیر بٹ نے 23 رنز بنائے۔ میکسول لیبرائے نے تین، شہانے فرنینڈو ،ڈومینڈا ڈسلوا اور روشن اسماعیل نے دو،دو وکٹ حاصل کئے۔ سری لنکا ویٹرنز 42.2 اوورز میں146 رنز بناسکی۔ شہانے فرنینڈونے 40 اور شفیق رحیم نے 22 رنز بنائے۔ امتیاز تارڑ نے تین ، شاہد انور، جعفر قریشی اور جاوید حفیظ نے دو، دو وکٹ حاصل کیں۔ عامر توصیف کو مین آف دی میچ قرار دیا گیا ۔