دنیا بھر میں خسرے کے کیسز میں اضافہ ہوا ہے:عالمی ادارہ صحت

عالمی ادارہ صحت (ڈبلیو ایچ او)نے خبردار کیا ہے کہ دنیا بھر میں خسرے کا مرض بڑھ رہا ہے کیونکہ متعدد ملکوں میں حکام اپنے شہریوں کو خسرے کے ٹیکے لگانے میں ناکام ہو رہے ہیں۔ ڈبلیو ایچ او کی تازہ رپورٹ کے مطابق، اس سال اب تک دنیا بھر سے تقریبا ساڑھے چار لاکھ کیسز رپورٹ ہوئے۔ افریقہ میں سب زیادہ کیس کانگو اور چاڈ سے سامنے آئے ہیں۔ لاطینی امریکا میں برازیل اور یورپ میں یوکرائن سے ہزاروں کیسز رپورٹ ہوئے ہیں۔ جنوبی ایشیا میں پڑوسی ممالک کی نسبت پاکستان میں زیادہ کیسز سامنے آئے ہیں۔ خسرہ ایک قابل علاج مرض ہے لیکن ویکسین نہ لگوانے کی صورت میں اس کے شکار افراد کی موت واقع ہو سکتی ہے۔