کھوئی رٹہ(نامہ نگار) کھوئی رٹہ کچرے کے ڈھیر میں دھماکہ ، دھماکہ بارودی مواد پھٹنے سے ہوا ایک شخص شدید زخمی ایک ٹانگ سے بھی محروم ہو گیاتشویشناک حالت میں کوٹلی ریفر دھماکے سے قریب کھڑے موٹرسائیکلوں کو بھی نقصان پہنچا دھماکے کی اطلاع ملتے ہی سکیورٹی فورسز اور انتظامیہ موقع پر پہنچ گئیں تحقیقات شروع تفصیلا ت کے مطابق کھوئی رٹہ رکن آباد کے مقام پر کباڑ خانے کے کچرے میں اچانک بارودی مواد پھٹ گیا دھماکے سے پورا علاقہ لرز اٹھا جس سے ایک شخص شوکت ولد شریف ساکن چنیوٹ عمر 51سال شدید زخمی اور ایک ٹانگ سے بھی محروم ہو گیا جس کو فوری طور پر تشویشناک حالت میں کوٹلی ریفر کر دیا گیا دھماکے سے قریب کھڑے موٹرسائیکلوں کو بھی نقصان پہنچا دھماکے کی اطلاع ملتے ہی سکیورٹی فورسز اور انتظامیہ موقع پر پہنچ گئیں اور تحقیقات شروع کر دی ۔