عمران خان ایک حقیقت ‘ بکنے والا ہے نہ جھکنے والا:نعمان لنگڑیال 

لاہور (پ ر ) صوبائی وزیر ایم پی ڈی ڈی ملک نعمان لنگڑیال اور صوبائی وزیر سردار آصف نکی نے مشترکہ بیان میں کہا ہے کہ عمران خان ایک حقیقت ہے وہ بکنے والا ہے نہ جھکنے والا اور سردار عثمان بزدار کی مخالفت کرنے والی اپوزیشن یہ سن لے کہ سردار عثمان بزدار ایک محب وطن وزیر اعلیٰ ہیں اور کرپشن سے پاک منصوبوں کی تکمیل کر کے وہ عوام کے دلوں میں اتر آئے ہیں صوبائی وزراء نے کہا اپوزیشن اپنے گریبانوں میں جھانکے اور سن لے کے عوام ترقی پسند وزیراعظم عمران خان اور وزیراعلیٰ سردار عثمان بزدار کے ساتھ کھڑے ہیں صوبائی وزراء نے کہا ہمیں دکھ ہوتا ہے کہ جب کرپشن میں ڈوبی ہوئی اپوزیشن غلط بیانی کرکے عوام کو گمراہ کرنے کی ناکام کوشش کرتی ہے صوبائی وزراء نے کہا اپوزیشن نے جھوٹ بول کر اپنے آپ کو عوام کی نظروں میں گرا دیا ہے ۔