راولپنڈی (اپنے سٹاف رپورٹر سے) راولپنڈی پولیس لائنز ہیڈکوارٹرز میں سپورٹس فیسٹیول کے اختتام پرتقریب کا انعقاد کیا گیا، تقریب میں ایس پی ہیڈ کوارٹر ز  زنیرہ اظفر اور ڈی ایس پی ہیڈ کوارٹرز ظفر شکیل نے بہترین کھیل پیش کرنے والی ٹیموں میں انعامات تقسیم کیے ، سپورٹس فیسٹیول میں رسہ کشی ، باسکٹ بال ، اتھلیٹکس،کرکٹ ، بیڈ منٹن ،کراٹے ، فٹبال ، شوٹنگ والی بال ، سیمش والی بال کی ٹیموں کے مابین مقابلے منعقد کیے گئے۔اس موقعہ پر ایس پی ہیڈکوارٹرز  زنیرہ اظفر کا کہناتھاکہ پولیس فورس میں کھیلوں کے انعقاد کا مقصدفورس کو جسمانی لحاظ سے صحت مند، تندرست اور مستعد رکھنا ہے۔