حافظ آباد(نمائندہ خصوصی+ نمائندہ نوائے وقت)سٹی پولیس نے کسوکی روڈپر چھاپہ مار کر جعلی پیرنی کو گرفتارکرکے اسکے خلاف مقدمہ درج کرلیا۔ تفصیلات کے مطابق ایس۔ایچ او سٹی رانا آفتاب حیدر کو مخبری ہوئی کہ کسوکی روڈ پر آستانہ شاہ پٹھان ٹال والی میں حمیدہ عرف فہمیدہ زوجہ احمد حسن سکنہ محلہ حسن ٹائون تعویذ گنڈوں اور ٹونے ٹوٹکے کرکے جعلی سازی سے لوگوںسے رقم بٹورہی ہے جس پر پولیس نے چھاپہ مار کر اسے گرفتارکرلیا اور ملزمہ کے خلاف مقدمہ درج کرلیا گیا۔دریں اثناء محلہ مغل پورہ میں پولیس نے ملزم عمردراز عرف عمری ولد چاند عباس کو گرفتارکرنے کے لئے اسکے گھر ریڈ کیا تو وہاںپر مبین ، متین عمردراز اور نازیہ عباس وغیرہ نے پولیس کے ساتھ مزاحمت کرتے ہوئے عمردراز کو دوڑا دیا جبکہ پولیس نے نازیہ عباس جو کہ قحبہ خانہ کی نائیکہ  تھی کو گرفتارکرلیا۔