پاکستان نے بھارت کو ہراکر ایشیا کپ یوتھ سکریبل چیمپئن شپ جیت لی

لاہور(سپورٹس رپورٹر) پاکستان کے حشام ہادی خان نے ایشیا کپ یوتھ سکریبل چیمپئن شپ جیت لی ۔بھارت کے شہر نئی دلی میں ہونے والی یوتھ سکریبل چیمپئن شپ میں پاکستان کے حشام ہادی خان ایک مرتبہ پھر ایشین چیمپئن بن گئے۔ حشام ہادی خان نے ٹائٹل کا کامیابی سے دفاع کرتے ہوئے فائنل میں بھارت کے مادھو گوپال کماتھ کو شکست دی۔3 روزہ ایونٹ کے فائنل راؤنڈ میں پہنچنے والے حشام ہادی خان نے کھیل کے دوسرے دن سے ہی لیڈ حاصل کرلی تھی ان کا دو دن کا سکور 1420 تھا۔ ٹیم چیمپئن شپ میں پاکستان کے مونس خان نے ملائیشین پلیئر کیخلاف ہائی ایسٹ انفرادی سکور 760 بھی بنایا۔ایشین چیمپئن شپ میں 11 ممالک کے 60 پلیئرز کے درمیان مقابلہ تھا۔ ٹاپ ٹین میں پاکستان کے 6 پلیئرز رہے۔ چیمپئن حشام ہادی خان پہلے‘ بھارت کے مادھو گوپال کماتھ دوسرے اور عفان سلمان تیسرے نمبر پر رہے۔پاکستان کے مونس خان نے انڈر 16 اور احمد سلمان نے انڈر 12 کا ٹائٹل اپنے نام کیا۔