فیروز والہ : 225بجلی چور پکڑے گئے ‘میٹر ضبط‘مقدمات کیلئے درخواست

فیروز والہ (نامہ نگار)سب ڈویژن رچنا ٹاون، کالا خطائی روڈ فیصل پارک، فیض پور اورعلی پارک کی ٹیموں بجلی نے چوروں کےخلاف کریک ڈا¶ن اور سرچ آپریشن کے دوران 225 بجلی چوروں کےخلاف کاروائی کرتے ہوئے غیر قانونی میٹر تاریں اور دیگر آلات قبضہ میں لے لئے۔فتح ریحان، کالا خطائی روڈ، پیپلزکا لونی،رانا ٹا¶ن، بھلے ڈسنوال،پٹھان کالونی، فیصل ٹا¶ن، کالا شاہ کاکو، امامیہ کالونی،ونڈالہ دیال شاہ، چکوک ایریا،فیض پور، کرول، بابکول،سکندرآباد اور دیگر علاقوں میں کارر وائی کے دوران 875 کنکشنزچیک کئے گئے۔ 225کنکشنز میں مختلف نوعیت کی بے ضابطگیاں سامنے آئیں۔ پکڑے جانےوالے میں 80میٹر ڈائریکٹ سپلائی 39 میٹر ریورس 24 ڈیڈ سٹاپ 17ڈسپلے اوپن28 ڈسپلے واش تھے۔ تمام کنکشن منقطع کرکے ہزاروں ڈٹیکشن بل کی مد میں چارج کئے گئے۔ پکڑے جانے والے بجلی چوروں ریاض احمد، سجاول،امتیاز،ساجد، عطااللہ، بابر علی، مقدس،رفیق خلیل احمد،شاہد علی اور عادل وغیرہ کےخلاف ایف آئی آر کے اندراج کیلئے درخواستیں متعلقہ تھانوں میں جمع کروا دی گئی ہیں۔