عالم داد نے بھائی کے سر پر ڈنڈا مار دیا جس سے وہ شدیدزخمی ہو گیا اور ہسپتال لے جاتے دم توڑ گیا، فیز8 کے قریب کار کی موٹر سائیکل کو ٹکرسے عبداللہ جاں بحق ہوگیا

راولپنڈی (اپنے سٹاف رپورٹر سے)تھانہ روات کے علاقے میں صلح کے دوران بھائی نے بھائی کے سر پر ڈنڈا مار کر اسے قتل کردیاٹریفک حادثے میں کار کی ٹکر سے موٹر سائیکل سوار جاں بحق ہوگیا قتل کی واردات کے بارے میں پولیس کو عاصم داد نے بتایا کہ آج میرے بھائی عالم داد اور امیر داد میں تلخ کلامی ہوئی میں شام کو چھ بجے دونوں کی صلح کروانے فیکٹری گیا میں نے اپنے مالک کو بھی بلا لیا عالم داد نے میرے بھائی کے سر پر ڈنڈا مار دیا جس سے میرا بھائی امیر داد زخمی ہونے سے زمین پر گرگیا اسے طبی امداد کیلئے ہسپتال لے کر جارہے تھے لیکن میرا بھائی امیرداد راستے میں ہی فوت ہوگیاجبکہ تھانہ روات کو راجہ سہیل نے بتایا کہ فیز8 کے قریب ہنڈا سوک کار نے مدعی کے بیٹے کے موٹر سائیکل کو ٹکر ماردی جس سے مدعی کا بیٹا عبداللہ جاں بحق ہوگیاپولیس نے الگ الگ مقدمات درج کرلئے ہیں۔