پیپلزپارٹی کا یوم تاسیس شایان شان طریقے سے منایا جائیگا:منیر قمر واہگہ

شیخوپورہ(نمائندہ نوائے وقت) پیپلز پارٹی کے ڈویژنل نائب صدر چوہدری منیر قمر واہگہ نے کہا ہے 30نومبر کو شیخوپورہ میں بھی پارٹی کا یوم تاسیس شایان شان طریقے سے منایا جائے گا، اس سلسلہ میں مرکزی تقریب ریگل چوک میں ہو گی جس میں پارٹی کی ڈویژنل قیادت اور ضلعی و سٹی تنظیموںاور تمام ونگز کے عہدیداران و کارکنان شرکت کریں گے جبکہ تمام تحصیلوں اور ٹائونز کی سطح پر بھی یوم تاسیس کی تقریبات منعقد کی جارہی ہیں جن کا بنیادی مقصد پنجاب میں پارٹی کی سرگرمیوں کو از سر نو بحال کرنا ہے، ان خیالات کا اظہار انہوں نے پارٹی کے سینئر نائب صدر چوہدری خالق عزیز مت ورک کے ڈیرہ پر پارٹی کے یوم تاسیس کے حوالے سے پریس کانفرنس سے خطاب کرتے ہوئے کیا، اس موقع پر رانا محمد اکرم ناز، میاں محمود اختر،سید اطہر حسین شاہ، کاشف گیلانی سمیت دیگر موجود تھے، چوہدری منیر قمر واہگہ نے کہا عمران خان کا لانگ مارچ اور جلسہ بری طرح ناکام ہوا ہے۔