جنرل عاصم منیر کو چیف آف آرمی اسٹاف بننے پر مبارکباد

حیدرآباد(بیورو رپورٹ) سندھ بلوچستان رائس ملرز اینڈ ٹریڈرز ایسوسی ایشن کے مرکزی صدر حاجی قمر الدین گوپانگ اور مرکزی جنرل سیکرٹری اسد علی تنیوکی جانب سے مدت ملازمت پوری کرنے اور ملک کے لیے بہتر خدمت سرانجام پر آرمی چیف قمر جاوید باجوہ اور چیئرمین جوائنٹ چیفس آف اسٹاف کمیٹی جنرل ندیم رضا کو خراج ٹحسین پیش کرتے ہوئے نئے آرمی چیف سید عاصم منیر اور چیئرمین جوائنٹ چیفس آف اسٹاف کمیٹی ساحر شمشاد کے مبارکباد دی ہے، اس حوالے سے سندھ بلوچستان رائس ملرز اینڈ ٹریڈرز ایسوسی ایشن ایسوسی ایشن نے کہا ہے کہ ہم سبکدوش ہونے والے آرمی چیف قمر جاوید باجوہ اور چیئرمین جوائنٹ چیفس آف اسٹاف کمیٹی جنرل ندیم رضا کو ان کی ملک کی بہترین خدمت پر خراج تحسین پیش کرتے ہیں جنہوں نے اپنے دور میں ملک پاکستان کی بہترین خدمت کی جس پر ہم انہیں سلام پیش کرتے ہیں جبکہ نئے آرمی چیف سید عاصم منیر اور چیئرمین جوائنٹ چیفس آف اسٹاف کمیٹی ساحر شمشاد کو ہم تہہ دل سے مبارکباد پیش کی ہے ۔ ملک کا دفاع ہمیشہ مضبوط ہاتھوں میں رہا ہے افواج پاکستان کا نام پوری دنیا میں عزت و احترام سے لیاجاتا ہے،یہ غلاظت سے بھرے ہوئے سیاستدان افواج پاکستان پر کیچڑ اچھال کر خود اپنا ہی منہ کالا کررہے ہیں،ان خیالات کا اظہار آواز ویلفیئر ایسوسی ایشن حیدرآباد سٹی کے صدر اسد قریشی نے ایک اجلاس سے خطاب کرتے ہوئے کہا کہ ہم جنرل حافظ عاصم منیر کو چیف آف آرمی اسٹاف بننے پر دل کی گہرایوں سے خوش آمدید کہتے ہیں،ہم اپنی افواج کے ہر ایک سپاہی اور تمام افسران کو قوم کی جان مال عزت کی حفاظت کرنے پر خراج تحسین پیش کرتے ہیں۔ اجلاس میں ستار قریشی سید دانش جعفری آفتاب چانڈیو نظام جی پی و دیگر موجود تھے۔