کراچی(سپورٹس رپورٹر)فیفا ورلڈکپ کیلئے قطر میں موجود پرتگال کے سٹار فٹبال کرسٹیانو رونالڈو کی جانب سے ساتھی فٹبالرز کیلئے دعوت کا اہتمام کیا گیا۔ رونالڈو نے پرتگال کے فٹبالرز کو دوحہ کے جدید ریسٹورینٹ میں عشائیہ دیا اور کھانے کا بل بھی ادا کیا۔برناڈو سلوا، جاو کنسیلو اور جوزسا نے رونالڈو کے عشائیے میں شرکت نہیں کی، تینوں فٹبالرزنے فیملی کیساتھ وقت گزارنے کو ترجیح دی۔چند روز قبل ہی اپنے کلب مانچسٹر یونائیٹڈ کے تنازعہ کے بعد رونالڈو کی ساری توجہ اپنی ٹیم اور ساتھی کھلاڑیوں پر ہے جبکہ سعودی عرب کے ایک کلب کی جانب سے بھی رونالڈو کے ساتھ معاہدے میں دلچسپی ظاہر کی جا رہی ہے۔