مسلم لیگ ن نے ٹکٹوں کی تقسیم کیلئے مرکزی پارلیمانی بورڈ کے ناموں کا اعلان کر دیا

اسلام آباد (نوائے وقت رپورٹ) عام انتخابات کیلئے مسلم لیگ ن کے مرکزی پارلیمانی بورڈ کے ارکان کے ناموں کا اعلان کر دیا گیا۔ اعلامیہ کے مطابق قائد مسلم لیگ ن نواز شریف اور پارٹی صدر شہباز شریف نے ناموں کی منظوری دی۔ پارلیمانی بورڈ کے ارکان میں اسحاق ڈار‘ خواجہ آصف‘ مریم نواز‘ رانا تنویر حسین‘ احسن اقبال‘ حمزہ شہباز‘ غلام دستگیر‘ چودھری شیر علی‘ رانا ثناءاﷲ ‘ پرویز رشید‘ خواجہ سعد رفیق‘ سردار ایاز صادق‘ میاں جاوید لطیف‘ مریم اورنگزیب‘ اقبال ظفر جھگڑا‘ سردار یعقوب ناصر‘ کیپٹن (ر) صفدر‘ طارق فضل چودھری‘ امیر مقام‘ مرتضیٰ جاوید عباسی‘ سردار محمد یوسف‘ عطاءتارڑ ‘ اویس لغاری شامل ہیں۔ 35 رکنی بورڈ ٹکٹوں کا فیصلہ کرے گا۔ اسحاق ڈار نے نوٹیفکیشن جاری کر دیا۔