لاہور(کلچرل رپورٹر)لاہور آرٹس کونسل الحمراء کے زیر اہتمام ابھرتے نوجوانوں کے فن کو نکھارنے کےلئے بھرپور اقدامات اٹھائے جا رہے ہیں جس میں ایک اہم قدم الحمراء میلوڈیز کا آغاز ہے جس میں ہفتہ میں تین روز پرفارمنس کا انعقاد کیا جارہا ہے۔اس پلیٹ فارم پر بدھ،جمعرات اور جمعہ کے روز فن کی دنیا کے ابھرتے ستارے دیکھنے والوں کو اپنے فن کے ذریعے متاثر کرتے ہیں۔ الحمراء میلوڈیز میں شرکت کےلئے نوجوان اپنی رجسٹریشن الحمراء آرٹس کونسل میں کروا سکتے ہیں۔