میرا پیارا ایپ“سے گمشدہ بچوں ، افراد کو پیاروں سے ملانے کا سلسلہ جاری 

لاہور(نامہ نگار)پنجاب پولیس کی” میرا پیارا ایپ“سے گمشدہ بچوں اور افراد کو اپنے پیاروں سے ملانے کا سلسلہ جاری ہے۔آئی جی پنجاب ڈاکٹر عثمان انور کے احکامات پر سی ٹی او لاہور کیپٹن (ریٹائرڈ) مستنصر فیروز نے گمشدہ بچوں اور بزرگوں کو اپنے پیاروں سے ملانے کےلئے تشکیل دی گئی رضاکار ایجوکیشن ٹیم نے 2 ماہ قبل مز نگ سے لاوارث ملنے والی 80 سالہ ماجدہ بی بی کو اپنی فیملی سے ملوا دیاہے۔ماجدہ بی بی ڈیمینشیا کی مریضہ ہونے کی وجہ سے اپنا نام اور ایڈریس بتانے سے قاصر تھی۔ فالو اپ سیشنز اور بائیو میٹرک کی مدد سے سے معمر خاتون کو اس کے بیٹے اور فیملی سے ملوا دیاہے۔