پاکستان کی پہلی خاتون فائٹر نے2 گولڈ میڈل جیت کرپاکستان کاسر فخر سے بلند کر دیا

لاہور(سپورٹس رپورٹر) پاکستانی خاتون مکسڈ مارشل آرٹس (ایم ایم اے ) فائٹر انیتا کریم نے تھائی لینڈ کے شہر بنکاک میں ہونےوالے سیام کپ میں 2 گولڈ میڈل جیت لیے ہیں۔ انیتا کریم نے 55 کلوگرام، لائٹ ویٹ کیٹیگری کے ساتھ ساتھ ”ایبسلوٹ“ کیٹگری میں تمغے جیتے۔ لائٹ ویٹ کیٹیگری میں انہوں نے جاپان کی مییو سوزوکی، تھائی لینڈ کی چوٹیما سالا اور سیفا پھٹیڈی کےخلاف کامیابی حاصل کی۔ انہوں نے پہلے 2 مقابلے سبمیشن جبکہ آخری ایک پوائنٹس سے جیتا تھا۔ ایبسلوٹ کیٹیگری میں انیتا کریم نے تھائی لینڈ کے چوتیما سالا ساسیتھون یاہی اور تانیا پورن منگکلکیری کو شکست دی۔ پہلی اور تیسری فائٹ سبمیشن کے ذریعے جیتی گئی جبکہ دوسری جیت پوائنٹس پر حاصل کی۔ انیتا کریم بین الاقوامی سطح پر مقابلہ کرنےوالی پاکستان کی پہلی خاتون ایم ایم اے فائٹر ہیں۔