فیروزوالہ( نامہ لگا) ڈاکووں نے2 تاجروں سمیت متعدد افراد کو لوٹ لیا۔ مزاحمت پر دو افراد کو تشدد کا نشانہ بنایااور فرار ہو گئے۔ کوٹ عبدالمالک کے قریب دن دیہاڑے ڈاکو دو تاجروں شبیر احمد سے 10 لاکھ روپے اورحبیب اللہ سے 8 لاکھ روپے رقم اور موبائل چھین کر فرار ہو گئے۔ لاہور روڈ پر خانپور کے قریب ڈاکوئوں نے موٹر سائیکل سوار دو افرادسے نقدی اور موبائل چھین لیا۔ مزاحمت پر ڈاکوئوں نے انہیں تشدد کا نشانہ بنایااور فرار ہو گئے۔ ڈاکو شادی والا رکشہ روک کر باراتیوں سے نقدی اور موبائل چھین کر لے گئے۔