گوجرانوالہ:فرنس ملز آگ لگنے کے باعث جھلس کر ایک مزدور جاں بحق11زخمی

گوجرانوالہ(نمائندہ خصوصی)جی ٹی روڈ نادرہ آفس کے قریب واقع فرنس ملز میں اچانک زوردار دھماکہ ہوگیا۔ دھماکہ سے آگ بھڑک اٹھی اور چھت بھی گرگئی۔جس کے نتیجے میں وہاں پر کام کرنیوالا طارق مزدور جھلس کر جاں بحق جبکہ زاہد، سلمان، امین، شاہد، رمضان، زین، اسد، ناصر، منیر،نبیل اور عاصم شدید زخمی ہوگئے ۔ریسکیو نے مزدور کی نعش کو ضروری کاروائی اور مضروبین کو طبی امداد کیلئے ہسپتال منتقل کر دیا۔ تاحال دھماکے کی وجہ سامنے نہیں آسکی۔