گوجرانوالہ(نمائندہ خصوصی )تنظیم مغلیہ پاکستان رجسٹرڈ پاکستان اور پاکستان مغل سپریم کونسل کے قائد محمد ارشد مغل نے کہا ہے کہ دکھی انسانیت کی بے لوث خدمت عظیم عبادت ہے ان خیالات کا اظہار انہوں نے خدمت خلق کے عظیم ادارے سندس فائونڈیشن کے وزٹ کے موقع پر کیا ۔ سندس فائونڈیشن جس دلجوئی سے دکھی انسانیت کی خدمت کررہا ہے وہ قابل ستا ئش ہے انہوں نے حاجی سرفراز چیئرمین سندس فائونڈیشن کی خدمات کو خراج تحسین کرتے ہوئے کہا کہ وہ بے لوث ہوکر اس ادارے کی ذ مہ داری کو کامیابی سے نبھا رہے ہیں ۔ سندس فا ئونڈیشن میں بہترین علاج معالجہ کی وجہ سے بچوں کی عمر میں اضافہ ہوتا جا رہا ہے۔ شادی سے پہلے ٹیسٹ اور شہریوں میں اس بارے شعور کی بیداری سوسائٹی کو تھیلیسیمیافری بنا سکتی ہے۔ ملک بھر کے مخیر حضرات اور درد دل رکھنے والے افراد سے اپیل کی کہ وہ سندس فا ئونڈیشن جیسے اداروں کو عطیات دینے کا سلسلہ جاری رکھیں کیونکہ سینکڑوں بچے ہفتہ وار خون لگوانے آتے ہیں جن کی بغیر کسی لالچ کے سندس فا ئو نڈیشن مدد کرتا ہے ۔