لاہور(سپورٹس رپورٹر))پاکستان اور زمبابوے کے درمیان تین میچوں مشتمل ون ڈے سیریز کا فیصلہ کن میچ آج بلاوائیو میں کھیلا جائیگا۔ میچ دن ساڑھے بارہ بجے شروع ہوگا۔سیریز ایک ایک سے برابر ہے ۔قومی ٹیم کے  فاسٹ بائولرز احمد دانیال اور شاہنواز دھانی  ون ڈے  سیریز سے باہر ہو گئے ۔ وہ واپس پاکستان آرہے ہیں۔احمددانیال کو ہیمسٹرنگ انجری کا سامنا کرنا پڑا ہے جبکہ شاہنواز کو ٹریننگ سیشن کے دوران بائیں ٹخنے میں چوٹ لگی۔ دونوں کی جگہ عباس آفریدی اور جہانداد خان کو شامل کیا گیا ہے جو بلاوائیو پہنچ کر آج سیریز کے فیصلہ کن میچ کی سلیکشن کیلئے دستیاب ہونگے۔ دونوں ٹی ٹونٹی سیریز کیلئے پاکستانی ٹیم کا حصہ ہیں جو یکم، تین اور پانچ دسمبر کو بلاوائیو میں کھیلی جائیگی۔تین میچوں کی ٹی ٹونٹی سیریز میں احمد دانیال کی جگہ عامر جمال کو شامل کیا گیا ہے۔ عامر جمال ون ڈے سکواڈ کے رکن ہیں اور دونوں ون ڈے کھیلے ہیں۔