لاہور (نامہ نگار) ڈکیتی چوری کی متعدد وارداتوں میں شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے فیصل ٹاؤن میں تصور کے گھر اہلخانہ کو گن پوائنٹ پر یرغمال بنا کر 5 لاکھ 66 ہزار روپے‘ زیورات، موبائل فون اور دیگر سامان، ہنجروال میں شریف اور اس کی فیملی سے 3 لاکھ روپے‘ زیورات اور موبائل فون، ہڈیارہ میں توقیر سے گن پوائنٹ پر70 ہزار‘ موبائل فون، راوی روڈ عاصم سے 30 ہزار اور موبائل فون، شاد باغ میں یاسر سے 75 ہزار‘ موبائل فون، فیکٹری ایریا میں احمد سے 60 ہزار‘ موبائل فون، شادمان میں عمار سے 20 ہزار اور موبائل فون، گڑھی شاہو میں سجاول سے 15 ہزار نقدی اور موبائل لوٹ لیا اور فرارہوگئے۔ چوروں نے ہنجروال میں ایوب کے گھر سے 3 لاکھ 80ہزار روپے‘ زیورات اور دیگر سامان چوری کر لیا۔ چوروں نے ماڈل ٹاؤن اور جوہر ٹاؤن سے 2 گاڑیاں جبکہ  مسلم ٹاؤن، اچھرہ، نواں کوٹ، راوی روڈ، کاہنہ اور شاہدرہ سے 7 موٹر سائیکلیں چوری کر لیں۔