پاکستان سٹاک ایکسچینج نےایک لاکھ پوائنٹس کا سنگ میل عبور کر لیا

 پاکستان سٹاک ایکسچینج میں نئی تاریخ رقم ہو گئی،100انڈیکس 1 لاکھ پوائنٹس کا سنگ میل بھی عبور کر گیا۔100انڈیکس میں1ہزار53پوائنٹس کا اضافہ ہوا ،انڈیکس 1لاکھ323پوائنٹس کی بلند ترین سطح پر ٹریڈ کر رہا ہے۔    گزشتہ روز    پاکستان سٹاک ایکسچینج کاروبار کےاختتام پرتاریخی سنگ میل عبور کرنے کی جانب گامزن تھی، پی ایس ایکس کا ہنڈرڈانڈیکس ایک لاکھ پوائنٹس سے کچھ دوری پر بند ہوا تھا،سٹاک مارکیٹ میں ایک روز کے دوران تاریخی تیزی ریکارڈ کیا گیا،ایک ہی روز میں46سو پوائنٹس کا بڑا اضافہ ریکارڈ کیا گیا تھا۔ہنڈرڈانڈیکس 4695 پوائنٹس کے اضافے سے 99 ہزار 269 پوائنٹس پر بند ہوا  تھا،دن بھر مجموعی طور پر 450 کمپنیوں کے شیئرز میں کاروبار ہوا،354کمپنیوں کے شیئرز کی قیمتوں میں اضافہ جبکہ 51 کے شیئرز میں کمی ہوئی  تھی۔خیال رہے کہ پاکستان سٹاک ایکسچینج میں تاریخ رقم ہو گئی، تاریخ میں پہلی بار100انڈیکس ایک لاکھ کا ہندسہ عبور کرگیا، 100انڈیکس نے تاریخ میں پہلی بارایک لاکھ پوائنٹس کی سطح عبورکی، پاکستان سٹاک ایکسچینج اپنی پرفارمنس کے باعث ایشیا میں بہترین سٹاک مارکیٹ قرار پائی ہے۔ایک سال قبل سٹاک مارکیٹ 58 ہزار 858 پوائنٹس پر موجود تھی، پاکستان سٹاک ایکسچینج میں ریکارڈ ترقی معاشی بہتری کی نوید ہے، پاکستان کی معاشی اور اقتصادی پالیسیاں درست سمت میں گامزن ہیں،اس سے پاکستان کی معیشت میں نمایاں بہتری آئےگی۔