میڈیا الیون نے نیشنل پریس کلب راولپنڈی کوپانچ رنز سے شکست دے دی

اسلام آباد ( سپورٹس رپورٹر)بھٹو کرکٹ گرائونڈ جی سیون ون میں کھیلے گئے ایک دوستانہ ٹی20-کرکٹ میچ میں میڈیا الیون اسلام آباد نے نیشنل پریس کلب راولپنڈی کو ایک دلچسپ مقابلے کے بعدپانچ رنز سے شکست دی۔ فاتح ٹیم نے پہلے بیٹنگ کی اور مقررہ 20اوورز میںسات وکٹوں کے نقصان پر 169رنز بنائے۔ عادل نے42اورعمران نے35رنز بنا کر جارحانہ بیٹنگ کا مظاہرہ کیا۔ نیشنل پریس کلب راولپنڈی کے اسد نے تین وکٹیں حاصل کیں۔ نشینل پریس کلب کی ٹیم اپنی باری میں مطلوبہ ہدف حاصل نہ کر سکی اور پوری ٹیم 164رنز بنا کر آئوٹ ہو گئی۔