کراچی ( اسپورٹس رپورٹر)جشن شہیدسکندرآباد سرداردوداخان زہری اسپورٹس اہنڈکلچرل فیسٹیول کے سلسلے میں منعقدہ آل سندھ بلوچستان فٹبال ٹورنامنٹ کے سلسلے میں آج تین میچز کھیلے گئے پہلا میچ دوداخان کلب زہری اورشہیدبابا سکندرجان کلب سوراب کے مابین کھیلا گیا جس میں شہیدباباسکندرجان کلب نے دو کے مقابلے میں تین گول سے کامیابی حاصل کرلی دوسرا میچ چاکر کلب ڈھاڈراور ایوب جان کلب نوشکی کے مابین کھیلا گیا جس میں ایوب جان کلب نے ایک کے مقابلے میں چھ گول سے کامیابی حاصل کرلی.جب کہ تیسرا میچ ظہور شاہ کلب گوادر اور شہیدیار جان کلب کوئٹہ کے مابین کھیلاگیا جس میں ظہور شاہ کلب گوادر نے پینلٹی ککس کے بنیاد پر چار کے مقابلے میں پانچ گول سیکامیابی حاصل کرلی.اس میچ کے مہمان خاص پی ایم ایل ن کے رہنماء حاجی پیرجان زہری تھے جنہوں نے ٹورنامنٹ کمیٹی کے لیے بیس ہزار روپے دینے کا اعلان کیا.ان میچوں میں ریفری کے فرائض محبوب بلوچ,محمداختر,جاوید سمیر, مشتاق,اور منور جے کے نے سرانجام دیے جب کہ کمنٹری کے فرائض رفیق زیب اورمحی الدین ریکی نے سرانجام دیے۔