پریمئر سپر لیگ‘ ڈیسکون، نیٹسول، ایبکس، یونائیٹڈ بزنس،یو سی ایس ، الائیڈ بینک‘ جاز کی کامیابی

لاہور(سپورٹس رپورٹر) کارپوریٹ سیکٹرکی ٹیموںکے درمیان جاری پریمئر سپر لیگ کے تیسرے ایڈیشن کے رائونڈمیچز میں ڈیسکون، نیٹسول، ایبکس، یونائیٹڈ بزنس،یو سی ایس ، الائیڈ بینک اور جاز نے میچز جیت لیے۔ پہلے میچ میں نیٹسول نے سٹوورٹ کو 7وکٹوں سے شکست دی۔ دوسرے میچ میں الائیڈ بینک نے کنٹرولر جنرل اکائونٹس کو 38 رنز سے ہرایا۔ تیسرے میچ میں ایبکس نے نووا میڈ کو 12 رنز سے زیر کیا۔چوتھے میچ میں ڈیسکون نے آئی سی آئی پاکستان کو7 وکٹوں سے پچھاڑ دیا۔ پانچویں میچ میں یو سی ایس نے ڈیجیٹل پلاننگ کو 5 رنز سے مات دی۔ چھٹے میچ میں جاز نے ایگزونوبل کو 24 رنز سے قابو کرلیا ۔ مزید رائونڈ میچز اگلے ہفتے کھیلے جائیں گے۔