لاہور(سپورٹس رپورٹر)پاکستان بلیئرڈز اینڈ سنوکر ایسوسی ایشن نے ترکی میں ہونے والی ورلڈ سنوکر چیمپئن شپ کیلئے 4 رکنی ٹیم کا اعلان کردیا۔انٹرنیشنل بلیئرڈز اینڈ سنوکر فیڈریشن ورلڈ سنوکر چیمپئن شپ 29 اکتوبر سے 9 نومبر تک ترکی کے شہر انتالیا میں کھیلی جائیگی جس میں پاکستان کے چار کیوئسٹس شرکت کریں گے۔ محمد آصف کے ساتھ ذوالفقار قادر، بابر مسیح اور مبشر رضا کو پاکستان سنوکر ٹیم میں منتخب کیا گیا ہے۔ نوید کپاڈیہ بطور ریفری اس چیمپئن شپ میں میچز سپروائز کریں گے۔