لاہور(سپورٹس رپورٹر) پاکستان کرکٹ ٹیم دورہ آسٹریلیا کے لیے سڈنی پہنچ گئی۔ پہلے مرحلے میں قومی ٹیم میزبان ٹیم کے خلاف تین ٹی ٹونٹی میچوں کی سیریز میں حصہ لے گی۔ ٹی ٹونٹی سیریز سے قبل قومی ٹیم کرکٹ آسٹریلیا کے خلاف وارم اپ میچ کھیلے گی ، وارم اپ میچ 31 اکتوبر کو کھیلا جائے گا۔پہلا ٹی ٹونٹی تین نومبر ،دوسرا پانچ نومبر اور تیسرا ٹی ٹونٹی میچ آٹھ نومبر کو کھیلا جائے گا۔ عثمان قادر، محمد موسی اور خوشدل شاہ پہلی مرتبہ قومی ٹیم میں شامل ہوئے ہیں۔