گوجرانوالہ (نمائندہ خصوصی) پیپلز پارٹی سٹی یوسی 61 کی تنظیم سازی مکمل، ڈاکٹر شمعون عاقل گل صدر اور حنیف مغل جنرل سیکرٹری منتخب، سٹی صدر پیپلز پارٹی میاں ودود حسن ڈار نے نو منتخب عہدیداران میں نوٹیفکیشن کئے، اس موقع پر میاں ودود حسن ڈار نے خطاب کرتے ہوئے کہا کہ پیپلز پارٹی سٹی تیزی سے اپنے اہداف حاصل کر رہی ہے اور بہت جلد گوجرانوالہ شہر کی تمام یوسی تنظیمیں مکمل کر لی جائیں گی ۔متوقع بلدیاتی انتخابات میں ہر یوسی سے اپنے امیدوار کھڑے کریں گے، ایڈیشنل جنرل سیکرٹری سٹی تیمور ڈار نے کہا تنظیم سازی کے عمل میں نظریاتی جیالوں کو اہمیت دے رہے ہیں۔