پھول نگر / قصور (نامہ نگار+ نمائندہ نوائے وقت) پھول نگر بائی پاس پر تیز رفتار مزدا ٹرک نے بے قابو ہو کر متعدد گاڑیوں کو روند ڈالا۔ مزدا کی ٹکر سے ایک مسافر بس بھی الٹ گئی، حادثے کے نتیجے میں 2 افراد جاں بحق ہو گئے جبکہ 31 افراد زخمی ہوئے ہیں۔ زخمیوں میں سے 6 کی حالت نازک بتائی جا رہی ہے جن کو لاہور ریفر کر دیا گیا ہے۔ حادثہ کی اطلاع ملتے ہی موٹر وے پولیس اور ریسکیو 1122 موقع پر پہنچ گئیں۔ ریسکیو آپریشن کی نگرانی روڈ اینڈ سیفٹی آفیسر میڈم رابعہ خلیل نے کی۔ عابدہ زوجہ حسنین 42 سال پاکپتن، تنویر عمر 20 سال پاکپتن، حفیظ 60 سال پاکپتن، ساجد عمر 32 سال پاکپتن، شفیع عمر60 سال پاکپتن، محمد انس 28 سال نورپور، نورین عمر 50 سال نورپور، وقار عمر 26 سال پاکپتن‘ منور عمر 25 سال پاکپتن، فخر حسین 45 سال نورپور، خدیجہ عمر 20 سال نورپور، نامعلوم عمر 60 سال، عذرا عمر 25 سال علی پور، صدف عمر 16 سال میر پور، اعظم عمر 65 سال میری پور، محمد لقمان عمر 40 سال پاکپتن، بشیراں عمر 60 سال پاکپتن، زینب بی بی عمر 62 سال پاکپتن، شہزاد مسیح ولد سیم گل مسیح عمر 30 سال فیصل آباد بھی زخمیوں میں شامل ہیں۔
پھولنگر: ٹرک نے کئی گاڑیاں روند دیں‘ 2 جاں بحق‘ 31 زخمی
Oct 28, 2021