لاہور (کامرس رپورٹر) درجہ دوم گھی کی قیمت میں10 روپے جبکہ درجہ دوم آئل کے قیمت میں5 روپے اضافہ کر دیا گیا۔ ڈیلرز نے مزید اضافے کا پرنٹ بھی دکانداروںکو بھجوا دیا۔ درجہ دوم گھی کی قیمت 10 روپے اضافے سے 325 روپے سے بڑھ کر 335 روپے کلو ہوگئی۔ جبکہ درجہ دوم خوردنی آئل کی قیمت 5 روپے اضافے سے 355 روپے سے بڑھ کر 360 روپے لیٹر ہوگئی۔ پرچون دکانداروںکے مطابق ڈیلرز نے مزید اضافے کا پرنٹ بھی بھجوا دیا ہے۔ جس سے قیمت میں مزید اضافہ ہو جائے گا۔