الحمرادنیا بھر کے لوگوں کو گھربیٹھے معیاری موسیقی فراہم کر رہا ہے: اعجاز منہاس

لاہور(سپیشل رپورٹر)الحمراء  میں موسیقی کے باقاعدہ سلسلے فنکار ہمارے میں معروف گلوکار عبد الرؤف کی شاندارپرفارمنس کا مظاہرہ کیا۔معروف گلوکار عبد الرئوف نے ماں نی میں کنوں آکھاں، کوبہ کو پھیل گئی بات شناسائی کی و دیگر غزل و گیت و صوفیانہ کلام پیش کیا۔ ایگزیکٹوڈائریکٹر الحمراء اعجاز احمد منہاس نے کہاکہ ہم نے کوویڈ کی صورت آنے والی مشکل کو موقع میں بدل دیا ہے،چیلنج کو قبول کرنے کے لئے اہم اقدام اٹھائے جن میں کامیاب ہورہے ہیں،الحمرادنیا بھر کے لوگوں کو گھربیٹھے معیاری موسیقی سننے کا موقع فراہم کر رہا ہے۔ انہوں نے کہا کہ الحمراء کا یہ سلسلہ نئے فنکاروں کی موسیقی کے میدان میں آنے کی ترغیب دے رہاہے۔ڈائریکٹر الحمرا ذوالفقار علی زلفی نے اس موقع پر کہا کہ کوویڈ میں بھی اپنی کاوشوں میں سرخرو ہو رہے ہیں۔فنکار ہمارے الحمراء کے فیس بک پیج پر لائیو نشر کیا گیا،عوام کی بڑی تعداد نے دیکھا اور پسند کیا۔قبل ازاں اس پروگرام میں معروف گلوکار حامد علیخان،ترنم ناز، انور رفیع،ثمن شیخ اور عشرہ شان رحمت اللعالمین کے موقع پر حافظ مرغوب احمد ہمدانی اپنے فن کا مظاہرہ کر چکے ہیں۔