بابراعظم کی بدستوردوسری پوزیشن، محمد رضوان کی بھی ترقی

 ملتان (سپورٹس ڈیسک) انٹرنیشنل کرکٹ کونسل نے ٹی 20 فارمیٹ کھلاڑیوں کی نئی رینکنگ جاری کردی ہے جسکے تحت بابر اعظم بدستور بیٹنگ میں دوسری پوزیشن پر برقرار ہیں جبکہ بولنگ میں شاہین آفریدی اور حارث روف کی ترقی ہوئی ہے۔آئی سی سی کی ٹی 20 فارمیٹ میں جاری تازہ ترین رینکنگ کے مطابق انگلینڈ کے ڈیوڈ میلان بیٹنگ میں بدستور پہلی اور بابر اعظم دوسری پوزیشن پر ہیں۔ ایڈن مرکرم آٹھ درجہ ترقی سے تیسری اور محمد رضوان تین درجہ ترقی سے چوتھی پوزیشن پر ہیں، کوہلی پانچویں نمبر پر چلے گئے ہیں۔