بیکن ہائوس اور الفا اسکول کی انٹر اسکول کرکٹ کے فائنل میں رسائی

کراچی(اے پی پی)بیکن ہائوس اور الفا اسکول نے انٹر اسکول کرکٹ کے فائنل میں رسائی حاصل کرلی،سینٹ پال اور این جے وی اسکول کو شکست کا سامنا کرنا پڑا، ایان سلیم اور عزیر عامر نے عمدہ کھیل کا مظاہرہ کیا۔ سندھ کرکٹ ایسوسی ایشن کے زیر اہتمام اور حکومت سندھ محکمہ نوجوانان امور کے تعاون سے منعقدہ سندہ انٹر اسکول کرکٹ ٹورنامنٹ ڈسٹرکٹ سائوتھ میں بیکن ہاوس نے پہلے سیمی فائنل میں سینٹ پال اسکول کو 8وکٹوں سے شکست دے دی۔ ایان سلیم نے 56رنز کی ناقابل شکست اننگ کھیلی اور مین ف دی میچ قرار پا ئے۔ دوسرے سیمی فائنل میں الفا اسکول نے 158رنز بنائے۔ عزیر عامر نے 51رنز کی شاندار اننگز کھیلی۔ شمس الدین نے 3/28وکٹیں حاصل کیں۔ جواب میں این جے وی ہائی اسکول کی ٹیم صرف 89رنز پر ڈھیر ہوگئی۔ عزیر عامر کو مین ف دی میچ کا ایوارڈ دیا گیا۔
 بیکن ہائوس اور الفا اسکول