پسنی میں عسکری بینک کی برانچ کا افتتاح ،تقریب کا اہتمام

پسنی (نامہ نگار) پسنی میں عسکری بینک کے برانچ کا افتتاح کردیاگیا۔اسسٹنٹ کمشنر پسنی محمدجان بلوچ ، آرجی ایم سلیم سہیل بٹ اور حاجی حنیف درمحمد بلوچ نے باقاعدہ فیتہ کاٹ کر افتتاح کیا۔اس موقع پر عسکری بینک کے نئے پسنی برانچ منیجر زبیر احمد اور ایریا منیجر بجار بلوچ نے معزز مہمانوں کا پرتکلف استقبال کیا۔پسنی برانچ کی افتتاحی تقریب کے موقع پر آرجی ایم سلیم سہیل بٹ نے گفتگو کرتے کہا کہ بلوچستان خاص کر مکران کے ساحلی علاقوں کے عوام اور کاروباری طبقات کو زیادہ سے زیادہ کاروباری سہولتیں پہچانا عسکری بینک کی اولین ترجیحات میں شامل ہے۔ پسنی برانچ اپنے اکاﺅنٹ ہولڈرز کو جدید سہولیات فراہم کرے گی۔افتتاحی تقریب میں اسسٹنٹ کمشنر پسنی محمدجان بلوچ ، تحصیلدار شہک حیات‘اے ڈی ایچ او ڈاکٹر نذیر احمد، چیف آفیسر مندوست بلوچ ، ایریا منیجر بجار بلوچ، محمد یوسف آر او ایم، عسکری بینک برانچ آپریشن منیجر منظور حسین‘ برانچ سروس آفیسر عابد علی ودیگرنے شرکت کی۔افتتاحی تقریب میں مہمانوں کے اعزاز میں ریفرشمنٹ کا اہتمام بھی کیا گیا۔