شہر میں ڈاکو راج‘ متعدد وارداتیں‘ شہری لاکھوں روپے‘ قیمتی اشیاءسے محروم

لاہور (نامہ نگار) شہر کے مختلف علاقوں میں ڈاکوﺅں اور چوروں نے ڈکیتی و چوری کی وارداتوں کے دوران متعدد شہریوں سے لاکھوں روپے، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوﺅں نے گڑھی شاہو میں ارسلان کے گھر گھس کر اہلخانہ کو گن پوائنٹ پر یرغمال بنا کر ساڑھے 5 لاکھ روپے مالیت، سبزہ زار میں آصف کے گھر سے 5لاکھ، چوہنگ میں رضوان کے گھر سے 3 لاکھ‘ نشتر کالونی میں نصراللہ کے گھر سے 2لاکھ، طلائی زیورات، موبائل فون و دیگر سامان، جوہر ٹاو¿ن میں عبیر کی فیملی سے 2 لاکھ اور موبائل فون، شاہدرہ میں لیاقت کی دکان سے ڈیڑھ لاکھ اور موبائل فون، بادامی باغ میں مقصود کی دکان سے ایک لاکھ اور موبائل فون، گلبرگ میں ناصر سے ایک لاکھ، لیاقت آباد میں عابدہ سے 50 ہزار اور موبائل فون، نولکھا میں وحید سے 20 ہزار اور موبائل فون لوٹ لیا۔ جوہر ٹاﺅن اور ڈیفنس سے 2 کاریں، موہلنوال سے رکشہ جبکہ مصری شاہ، مصطفی آباد، ہنجروال، شاہدرہ ٹاﺅن، کاہنہ، شیرا کوٹ اور کوٹ لکھپت سے 7موٹر سائیکلیں چوری کرلیں۔