لاہور(سپورٹس رپورٹر)چیئرمین پاکستان کرکٹ بورڈ محسن نقوی نے ٹیم میٹنگ کے دوران ساجد خان سے خصوصی گفتگو کی۔ محسن نقوی نے سپنر ساجد خان کی راولپنڈی ٹیسٹ میچ میں پرفارمنس کو خوب سراہا۔ سپنر سے مکالمے میں چیئرمین پی سی بی نے کہا پاکستانیوں کو جیت کی صورت میں خوش کردیا۔ پرفارمنس دینے والے کا حق کوئی نہیں مار سکتا۔ محسن نقوی نے ساجد خان سے کہا معلوم ہوا ہے آپ کو کنٹریکٹ گزشتہ 3 سال سے نہیں ملا، آپ کو جلد خوشخبری ملنے والی ہے۔