لاہور (سپورٹس رپورٹر)پاکستان کرکٹ بورڈ نے سری لنکا اے کے دورہ پاکستان کے گراونڈ کی تصدیق کردی۔جاری اعلامیہ کے مطا بق سلام آباد کلب آئندہ ماہ سری لنکا اے اور پاکستان شاہینز کے درمیان 5 میچوں کی ریڈ اور وائٹ بال سیریز کی میزبانی کریگا۔ سری لنکا اے اپنے پہلے دور پاکستان میں 11 سے 21 نومبر تک 2 چار روزہ میچ کھیلے گی ۔ اس کے بعد 25، 27 اور 29 نومبر کو 50 اوورز کے  تین ون  ڈے  میچوں  کی سیریز کھیلی جائے گی۔سری لنکا اے کی ٹیم 7 نومبر کو اسلام آباد پہنچے گی اور تین روز کی پریکٹس کے بعد وہ 11 نومبر سے شروع ہونے والے پہلے چار روزہ میچ میں شاہینز کے مقابل ہوگی۔ دونوں چار روزہ میچ صبح ساڑھے نو بجے شروع ہونگے جبکہ ون ڈے میچز دوپہر دو بجے شروع ہونگے۔پی سی بی اپنے نوجوان کرکٹرز کی صلاحیتوں پر توجہ جاری رکھے ہوئے ہے اور شاہینز 3 ماہ میں اپنی دوسری ہوم سیریز کھیلے گی ۔ اگست میں بنگلہ دیش اے نے اسلام آباد میں 2 چار روزہ اور 3 ون ڈے میچوں کی سیریز کھیلی تھی۔اس سال ہوم سیریز کے علاوہ پاکستان شاہینز نے ڈارون آسٹریلیا میں بنگلہ دیش اے کے خلاف 2 چار روزہ میچوں کے علاوہ 2 ون ڈے میچز اور پھر ٹاپ اینڈ ٹی ٹوئنٹی سیریز میں بھی حصہ لیا تھا۔ اس نے حال ہی میں مسقط میں ٹی 20 ایمرجنگ ایشیا کپ میں بھی حصہ لیا ہے۔سری لنکا اے کے میچوں کا شیڈول اس طرح ہے ۔ٹیم 7 نومبرکو اسلام آباد پہنچے گی ۔11-14 نومبر پہلا 4 روزہ میچ بمقابلہ پاکستان شاہینز اسلام آباد کلب میں کھیلاجائیگا۔ دوسرا 4 روزہ میچ 18-21 نومبر، پہلا 50 اوورز میچ 25نومبر،27 نومبر کودوسرا 50 اوورز میچ ،9 نومبر کو تیسرا ایک روزہ میچ  اسلام آباد کلب  میں کھیلاجائے گا۔