لاہور(نامہ نگار)پیپلز پارٹی بھٹو شہید ایوارڈ کمیٹی پنجاب کے چیف آرگنائزر چودھری سجاد نذیر نے کہا پیپلز پارٹی کی سندھ حکومت روٹی کپڑا اور مکان کے نعرے پر مکمل عمل کررہی ہے۔ عمران خان نے 50 لاکھ نئے گھر بنا کر دینے کا خواب دکھا کر عوام سے ووٹ لئے،لیکن   بعد میں عمل نہیں کیا۔( ن) لیگ نے پنجاب میں اپنا گھر اپنی چھت کا نعرہ لگایا لیکن یہ کس کو ملی ؟ پیپلز پارٹی کی سندھ حکومت نے بلاول بھٹو زرداری کی قیادت میں خاموشی سے سندھ کے سیلاب متاثرین کو پکے گھر بنا کر ان کے حوالے کر دئیے  جبکہلاکھوں گھروں کی تعمیر کا کام جاری ہے۔