کشمیری بہت جلد آزادی کی منزل سے ہمکنار ہونگے: طاہر رضا بخاری 

لاہور(خصوصی نامہ نگار)محکمہ اوقاف کے زیر اہتمام مقبوضہ کشمیر پر بھارتیوں کے غیر قانونی قبضہ کے خلاف،77 ویں یوم سیاہ کے حوالے سے صوبہ بھر کی مساجد میں کشمیری شہدا، جانثاروں اور بالخصوص کشمیریوں کی فتح کے لیے خصوصی دْعاؤں اور تقریبات کا اہتما م ہوا۔سیکرٹری /چیف ایڈ منسٹریٹر اوقاف پنجاب ڈاکٹر طاہر رضابخاری نے کہا ظلم کی سیاہ رات بالآ خررخصت ہوجائیگی اور کشمیری جلد اپنی آزادی کی منزل سے ہمکنار ہونگے۔ انسانی حقوی کی تنظیموں اور عالمی برادری مقبوضہ کشمیر میں بھارتی مظالم کو کیوں نظر انداز کر رہے ہیں۔ سلامتی کونسل کی قرار دادوں پر عمل درآمد کے بغیر مسئلہ کشمیر کا حل ممکن نہیں۔  پاکستانی عوام کے دل کشمیر یوں کے ساتھ دھڑکتے ہیں، ان کے ساتھ یکجہتی اور اخلاقی، سیاسی ور سفارتی حمایت جاری رکھیں گے۔