ڈاکے‘لاکھوں روپے‘زیورات ‘موبائل چوری‘فیروزوالہ مزاحمت پر نوجوان قتل 

لاہور‘ فیروزوالہ(نامہ نگار ان)لاہور کے مختلف علاقوں میں ڈاکوؤں اورچوروں نے ڈکیتی وچوری کی وارداتوں کے دوران متعدد شہریوں سے لاکھوں روپے ‘ زیورات‘موبائل فون‘موٹر سائیکلیں،گاڑیاں دیگر سامان لوٹ لیاہے۔ فیروزوالہ‘ تھانہ فیکٹری ایریا کوٹ عبدالمالک کے قریب ڈکیتی مزاحمت پر ڈاکوؤں کی فائرنگ سے موٹر سائیکل سوار مکینک نوجوان قتل اورملزم فرار ہو گئے۔نوری بوری رضا آباد کا رہنے والا نوجوان مکینک محمد امین موٹر سائیکل پر جنریٹر درست کرنے کے لیے جا رہا تھا کہ جب وہ راستے میں پہنچا تو نامعلوم افراد نے اسے روکنے کی کوشش کی موٹر سائیکل نہ رکنے پرڈاکوؤں نے فائرنگ کر دی۔ جس کے نتیجہ میں وہ زخمی ہو گیا جسے طبی امداد کے لیے ہسپتال لایا گیا یہاں پر وہ دم توڑ گیا۔ڈاکوؤں نے سبزہ زارمیں سلیم کے گھر میں گھس کر اہلخانہ کو گن پوائنٹ پر یرغمال بنا کر6 اکھ روپے ‘زیورات،موبائل فون دیگر سامان،گرین ٹاؤن میں سدھیر اور اس کی فیملی کو یرغمال بنا کر3 لاکھ 35ہزار روپے مالیت کی نقدی،طلا ئی زیورات ‘ موبائل فون، ٹاؤن شپ میں عبد الوحید اور اس کے بھانجے حافظ احتشام سے ڈھائی لاکھ روپے کے تین موبائل فون اور نقدی،نواں کوٹ میں منور سے ڈیڑھ لاکھ‘ موبائل فون،سول لائن میں نعمان سے 80 ہزارروپے ‘ موبائل فون،جنوبی چھاؤنی میں طاہر سے 64ہزار ‘ موبائل فون،لیاقت آباد میں ماجد سے41 ہزار ‘ موبائل فون،سمن آباد میں قادر سے 30ہزار ‘ موبائل فون،مانگا منڈی میں جمشید سے11ہزار ‘ موبائل فون لوٹ لیا۔چوروں نے میں عباس کے گھر سے ساڑھے 3 لاکھ‘ زیوارت دیگر سامان چوری کر لیا ۔چوروں نے ہنجروال‘ لیاقت آباد اور رائیونڈ سے 3 کاریں،انارکلی  سے رکشہ جبکہ مزنگ، جوہرٹاؤن، لوئر مال، ساندہ، مسلم ٹاؤن، قلعہ گجر سنگھ، غالب مارکیٹ ‘ شفیق آباد سے8 موٹر سائیکلیں چوری کر لی۔